Acht Chöpf, eis Schnittmuster.
Mier sind VollBuild — es Grüppli us Schwyz, wo gärn wärcht, buut und tüftlet.
Vo de Idee zum Makerspace
Agfange heds mit de Idee, dass mer üüs gwüssi Maschine vill eifacher mitenand chönd leischte. Wenn mier aber zäme öppis ahschaffed söll au jede, jederziit chönne druf zuegriife. Drum hemmer denn d Idee gha, dass mer en gmeinsame Bastelruum bruuched.
Also hemmer üüs en Ruum gsuecht und de Verein gründet.
Hüt isch VollBuild meh als nur ä Wärchstatt — es isch üse Träffpunkt für Cosplay, Sport, Znacht und alli verruckte Projekt.
Üsi Grundsätz
Teile statt horte
Eis guets Wärchzüüg für alli statt sächs mittelmässigi im Keller.
Jede darf aafange
Kei Vorwüsse nötig. Mir zeiged dier, wie d'Maschine laufed.
Projekt zäme
Vo Cosplay-Gruppe bis Möbelbau: di gröschte Sache mached mer mitenand.
Au mal nüt mache
Wärchstatt isch au Wohnzimmer. Sport, chille, Znacht — Hauptsach zäme.
Ufruume ghört dezue
Wer's bruucht, ruumt's wieder uuf. So bliibt dä Ruum für alli parat.
Eifach mache
Lieber eifach mal aafange anstatt lang drüber rede.
D'Gründer-Crew
Üsi acht Vollbuilder*inne und Gründigsmitglieder
Wird Teil vo dr Crew.
Wenn mal wettsch cho verbii luege, denn schriib üüs!
Jetz kontaktiere →